លេខាធិការដ្ឋាន ក.ប.ល. មានតួនាទីភារកិច្ចដូចខាងក្រោម៖ - ជាសេនាធិការឱ្យក.ប.ល.លើការងារប្រចាំថ្ងៃ និងដំណើរការទូទៅរបស់ក.ប.ល. - រៀបចំសេចក្តីព្រាងកម្មវិធីបណ្តុះបណ្តាល ផ្សព្វផ្សាយ ជូនក.ប.ល. ពិនិត្យសម្រេច - ទំនាក់ទំនង សម្របសម្រួល និងជួបប្រជុំជាមួយក្រុមការងារវាយតម្លៃលើផលប៉ះពាល់នៃលិខិតបទដ្ឋានគតិយុត្តនៃក្រសួង ស្ថាប័ន ក្នុងកម្រិតបច្ចេកទេស - ជួបប្រជុំជាមួយដៃគូអភិវឌ្ឍ និងអ្នកពាក់ព័ន្ធផ្សេងៗ ដើម្បីប្រមូលព័ត៌មាន ទិន្នន័យ ជូន ក.ប.ល. ពិនិត្យសម្រេច - រៀបចំសេចក្តីព្រាងផែនការមេ ផែនការសកម្មភាព និងគម្រោងថវិកាកម្មវិធីសម្រាប់កម្មវិធីវាយតម្លៃលើផលប៉ះពាល់នៃលិខិតបទដ្ឋានគតិយុត្ត(វ.ផ.ល.) ជូន ក.ប.ល. ដើម្បីពិនិត្យសម្រេច - រៀបចំប្រភពមូលដ្ឋានទិន្នន័យ ថែរក្សា និងធ្វើបច្ចុប្បន្នកម្មទិន្នន័យ សម្រាប់គាំទ្រដល់ការងារ វាយតម្លៃលើផលប៉ះពាល់នៃលិខិតបទដ្ឋានគតិយុត្ត - រៀបចំសេចក្តីព្រាងរបាយការណ៍អំពីវឌ្ឍនភាពនៃកម្មវិធីវាយតម្លៃលើផលប៉ះពាល់នៃលិខិតបទដ្ឋានគតិយុត្ត ជូន ក.ប.ល. ដើម្បីពិនិត្យសម្រេច - ជំនួយការឱ្យក្រុមការងារតាមវិស័យរបស់ក.ស.វ. ដើម្បីពិនិត្យនិងផ្តល់យោបល់លើរបាយ-ការណ៍វាយតម្លៃបឋមឬពេញលេញលើផលប៉ះពាល់នៃលិខិតបទដ្ឋានគតិយុត្តដែលរៀបចំ ដោយក្រសួងស្ថាប័ន - សិក្សាស្រាវជ្រាវការអនុវត្តវិធីសាស្រ្តវាយតម្លៃលើផលប៉ះពាល់នៃលិខិតបទដ្ឋានគតិយុត្តនៃបណ្តាប្រទេសផ្សេងៗ ជូន ក.ប.ល. - រៀបចំនិងកែលម្អមេរៀនសម្រាប់បណ្តុះបណ្តាលឱ្យទាន់សភាពការវិវត្ត ជូន ក.ប.ល. ដើម្បី ពិនិត្យសម្រេច - រៀបចំរបាយការណ៍ស្តីពីលទ្ធផលការងារប្រចាំត្រីមាស ឆមាស និងប្រចាំឆ្នាំ ជូន ក.ប.ល. ដើម្បីពិនិត្យសម្រេច - បំពេញភារកិច្ចផ្សេងៗទៀតដែលថ្នាក់ដឹកនាំប្រគល់ជូន។
