ស្រូវជាដំណាំចំបងនិងចាំបាច់សម្រាប់ចិញ្ចឹមជីវិតនិងក៏ជាផលិតផលនាំចេញធំបំផុតនៃវិស័យកសិកម្ម​។ ទោះជារួមកម្ពុជាមានអតិរេកស្រូវក្ដី ន៏នៅតែមានការខ្វះខាតស្បៀងអាហារតាមតំបន់ និងតាមរដូវកាលដោយសារកត្តាអាកាសធាតុ និងវិសមភាពរវាងប្រជាជនទីក្រុង និងជនបទ។ ដើម្បីធានាសុវត្ថិភាពការផ្គត់ផ្គង់ស្បៀង និងបង្កើនចំណូលរបស់ខ្លួន ប្រជាជននៅតំបន់ជនបទ ពឹងផ្អែកទៅលើចំណូលបន្ថែមដោយការដាំដំណាំរួមផ្សំ។